Mall kam , të shohë pllajën – Adem Nuhaj

……… Mall kam , të shohë pllajën ………

Moj vëndlindja ime
Malli më ka mar
Për ata burime
Me ujë kristal.

Për ato lēndina
Livadhe , kullota
Për kopet në brinja
Gërxheve me shqopa.

Të shkoj tek lajthia
Rritur nëpër rrëza
Ku , mërzen bagëtia
Ku , këndon thëllëza.

Dua të notoj
Dushqeve të pyllit
Shpirtin ta shëroj
Nga këngë e bilbilit.

Si dikur , të eci
Të dëgjoj tek bregu
Një lingë , që ka keci
Një çëkël shelegu.

Malli më ka tretur
Për një iso kënge
Djathë e mish të pjekur
Që , kanë ato vënde.

Malli më ka mar
Për , nga unë kam bredhur
Dimër dhe behar
Çdo pëllëmbë kam shkelur.

Lëndinat dhe lugjet
Me bar të mbuluar
Ngyra -ngjyra lulet
Si , qylym i shtruar.

Mall kam , të shohë pllajën
Ku , Dielli puthë malin
Lisat kapin majën
Bleta mbledhë nektarin.

Bashkë me zogjtë e pyllit
Të rri në korie
Dhe pranë burimit
Të shlodhem në hije.

……… Adem Nuhaj ……