Sorkadhe lezeti malit…

Lexuar : 849

Sorkadhe lezeti malit…..

Sorkadhe malit me strall
Mora çiften të qëlloja
Po kur poqëm ballë për ballë
Të shtija s’më bëri dora.

Nga bukuria që kishe
Dora mua seç më ngriu
Si lule mbi lule ishe
S’dija çtë bëja i ziu.

Ndaj u ula të vështroja
Dhe çiften vura mbi gjunjë
Ti më bëre të mendoja
Kur më lozje gurë mbi gurë

Kur lozje mbi trëndelinë
Dhe synë nga unë rrutulloje
Djalo unë ta heq mërzinë
Me ato veshtrime thoje

Sorkadhe, lezeti malit
Nga më mbive nga mu gjende
Tani jam në pikë të hallit
S’di ku jam e ku të vete

…Adem Nuhaj….
..Metoh~Mallakastër..

Shpërndaje në facebook: