Lozje bregut t’lumit – Si një dallandyshe. Lozje bregut t’lumit. Faqet qershi fishje. Gusha, pëndë e pllumbit.

Lozje bregut t’lumit …….

Si një dallandyshe
Lozje bregut t’lumit
Faqet qershi fishje
Gusha , pëndë e pllumbit.

Lozje , bëje këmbë
Mbi shkumën e valës
Dielli të kish dhënë
Ty , ngjyrën e arrës.

Këmba shkonte zallit
Dhe gjurmën e linte
Si lulet e malit
Vëndi , aromë vinte.

Ngado rrutulloje
Atë syn e shkuruarë
Vëndin e ndricoje
Si diell , në të zgjuarë.

Thash , m’a pruri fati
Zëmra u bë mal
Si lumi nga shtrati
Kur është më të dal.

Si margaritar
Nuri të ndriconte
Ndaj zëmra e vrar
Nga ty , s’do shpëtonte.

Ra , si meteori
Kur bie nga qielli
Nuri ytë e mori
Dhe aty më ngeli.

Te mua e prure
Por e dashurove
Se vetë e sëmure
Dhe vetë e shërove.

Si diell në behar
U bë jeta ime
Kur mē dhe me mall
Ato përqafime.

……. Adem Nuhaj …..