E bukur, si Hënë – Adem Nuhaj

E bukur , si hënë ……..

Kur del pa gëdhirë
Nga shoqet , je ndryshe
Sikur , ti ke pirë
Qumësht , dallandyshe.

Si , me ar e lyer
Faqet portokalle
Sikur je ushqyer
Me thelpinjë arre.

Ty , të paskan dhënë
Bukuri më vete
Sikur , ti ke ngrënë
Vetëm , mjaltë blete.

Zbardhon gjiri yt
Si , bora e malit
Mos , ke ngrën cdo ditë
Nga djathi i stanit.

Zëri yt i mirë
Në këngë , ligjërime
Dukesh , që ke pirë
Ujë , nëpër burime.

Lëshon syri yt
Cika edhe xixa
Me aromë , të mbyt
Ti , si trendelina.

Trupi yt mbytur
Erë , punë e madhe
Dukesh , që je rritur
Me lulet në male.

Më ikën serbes
Si , lastar i riur
Trendafil me vesë
Dukesh , në të gdhiur.

Si lule natyre
Sinoret e tua
Aroma e tyre
Më mbyt edhe mua.

E bukur , si hënë
Si , në hënë larë
Lule më s’ke lënë
Malit , pa ja marë.

…….. Adem Nuhaj …….