Mbi lule , kur flinim – Adem Nuhaj

……….. Mbi lule , kur flinim ……….

Mbi lule , kur flinim
Zemrat dashuronin
Dhe gjethet , që binin
Neve na mbulonin.

Dukej trupi yt
Si , një ftuj bardhule
Kur i mbyllje sytë
Në shtratin me lule.

Bashkë me ato gjethe
Hëna me ne fjeti
Mbyteshim ne dete
Ne , tek njëri – tjetëri.

Ku dilnin buronjat
Disa zogjë këndonin
Mbi ne xixëllonjat
Sikur , po vallzonin.

Ngriheshim dhe binim
Zjarri ne na digjte
Bënim sikur flinim
Por , gjumi s’na zinte.

Unë , kokën tek ty
Ti , kokën tek mua
S’mbyllej ai sy
Bashkë me ujtë në krua.

Gjethet ishin zverdhur
Hëna lartë ndriçonte
Unë isha i dehur
Nga aroma jote.

Buzën , kur ta puthja
Më puthje me mall
Përmbi lule flutura
Na vinin vërdall.

……….. Adem Nuhaj ……….