Mos rri e vetmuar – Adem Nuhaj

………. Mos rri e vetmuar ………

Moj thëllëzë mali
Moj syri i shkruar
Hajde lart tek stani
Mos rri e vetmuar.

Hajde të këndojmë
Këtu lart tek bregu
Jetën ta shijojmë
Me brinjë shelegu.

Me mish në hell pjekur
Dhe me ujë burimi
Unë lule kam mbledhur
Të , t’i vë tek gjiri.

Mos rri e vetmuar
Në ato brezare
Por , t’ia marim shtruar
Me culë dyjare.

Shikoi këto lule
Kanë mbushur lëndinën
Kopeja , si nure
Po mbledhë trendelinën.

Ta shijojmë jetën
T’i bëjmë derman xhanit
Dhe të mbushim vedrën
Me qumshtin e stanit.

Për buzët e tua
Për ato gërsheta
Do të kërkoj hua
Një grushtë mjaltë nga bleta.

Si , vilë në Havanë
Për ne do jet stani
Kur , mbi shark të hamë
Djathë e mjaltë mali.

Si , në qiell të shtatë
Na çoi perëndia
Se , mjalti mbi mjaltë
Ìshte dashuria.

………… Adem Nuhaj …………